Dje është zhvilluar ndeshja e xhiros së 12-t midis Hoffenheimit dhe Augsburgut, sfidë kjo e cila u takoi vendasve me rezultat 3-0.

Tek Hoffenheimi u paraqitën në lojë tre futbollistët dardan Fisnik Asllani, Leon Avdullahu dhe Albian Hajdari, shkruan Arbresh.info.

Kurse tek Augsburgu luajti Elvis Rexhbeçaj.

Ditën e sotme faqja zyrtare e Hoffenheimit në Facebook bëri një postim të vecantë për të futbollistët shqiptar.

Në postimin e Hoffenheimit, thuhet për herë të parë ndodhi që katër lojtarë kosovarë u paraqitën në fushë, në një ndeshje të Bundesligës.

“KosoWOW. Me Fisnik Asllanin, Leon Avdullahun, Albian Hajdarin dhe Elvis Rexhbecajn e Augsburgut, katër lojtarë kosovarë luajtën në një ndeshje për herë të parë në historinë e Bundesligës”, shkruan Hoffenheimi.